Ángel Pacheco Pata

Deskribapena

ETAk Anselmo Duran kabo lehena hil ondoren, Guardia Zibilak erabaki zuen errepideetan kontrolak jartzea, hiltzaileek ihes ez egitea zaintzearren. Kontrol horietako batean, San Migel gainaren parean, auto bat iritsi zen, argiak itzalita, tiro egin eta ihesari eman zion. Tiroek bete-betean jo zuten, sabelean, Ángel Pacheco Pata agentea, eta hantxe bertan hil zen.

Erasoaren ondotik, agenteetako bat etakideen atzetik atera zen, segika, eta ibilgailu abandonatua aurkitzera iritsi zen. Mendiz ihes eginak zirela pentsatu bazuen ere, Guardia Zibilak ez zituen etakideak aurkitu.

Atentatuaren biharamunean manifestazio bat egin zuten Eibarren, Partidu Komunistak antolatuta; “Terrorismoari ez, Konstituzioari bai” zioten hartan. Martxa bat ere egin zuten Bilbon, terrorismoaren kontrako lehen jendetsuetako bat, EAJk deituta, “Euskadi aske eta baketsu baten alde” lelopean.

Prentsa