ETAGallery
Deskribapena
Deskribapena
Hiru etakide Angel Maria González Sabinoren etxera joan ziren, Donostiako aldirietako La Paz auzora. Haietako bat kalean geratu zen, estaldura- eta zaintza-lanak egiten, eta beste biak eraikineko hamargarren solairura igo ziren, han bizi zen eta familia. Txirrina jo, eta Angel Mariak atea ireki zuenean terroristetako batek tiro bakarra egin zion buruan; Angel Maria hantxe bertan hil zen. Auzitegi Nazionalaren ebazpenen arabera, hilketa egin zuten hiru etakideak Agustin Almaraz, kanpoaldeko estaldura lanaz arduratu zena, Jose Ignazio Alonso eta Sergio Polo izan ziren.
Dirudienez, ETAk González Sabino hiru anaietako edozein hil nahi zuen. Talde terroristak erabilitako aitzakia, berriro ere, González Sabinotarrek narkotrafikoko jarduerekin zuten ustezko harremana izan zen.
Angel Maria Gonzálezen hiletara ez zen batere agintari publikorik agertu, ETAk geroago hilko zuen PPko zinegotzi Gregorio Ordóñez izan ezik.
Biktimaren familiak Euskal Herritik alde egin behar izan zuen, Angel Maria González Sabinoren seme bakarrari “txibatoaren seme” deitzen hasi zitzaizkionean, gogoratzeaz batera hil ziotelako ez zuela aitarik. Esperientzia gogor horien ondorioz depresioak jasan zituen.
Prentsa
