Amancio Barreiro Gens

Jaioterria: Galicia

Adina: 36

Seme-alabak: 2

Egoera zibila: Ezkonduta

Lanbidea: Taxi-gidaria

Atentatuaren data: 02/09/1978

Atentatuaren lekua: Usurbil

Arma: Pistola

Hiltzailea: ETA

Deskribapena

ETAk Amancio Barreiro Gens taxilaria bahitu zuen irailaren 2an, eta tiroz hil zuen. Amanciok 36 urte zituen, ezkondua zen eta bi seme-alaba zituen: Josetxo, 11 urtekoa, eta Merche, 9koa. Bahitu zuten etakideei, Komando Autonomo Antikapitalistak taldeko kideak ziren, ez zezatela hil erregutu zien. Alabaina, terroristek tiroa egin zioten zango batean, ihes egiterik izan ez zezan. Gero, buruan eta sabelean egin zioten tiro. Irungo komisariara egindako dei batez, komunikatzaile anonimo batek aditzera eman zuen Amancio eraila zela.

1981ean Auzitegi Nazionalak kasua epaitu zuen. 26 urteko kartzela zigorra ezarri zion Jesus Maria Lartzabal Bastarrikari, hilketaren egiletzat. Jose Angel Zinkunegi Urdanpilletari sei urteko zigorra ezarri zion. Alabaina, handik bi urtera kartzelatik atera ziren.

2006an Auzitegi Nazionalak kasua atzera ireki, eta Antonio Mario Zelaia Otaño inputatu zuen. Etakide hori Mexikora ihes eginda zegoen, eta 2002an Frantzian atxilotu zuten. Zelaiak autoinkulpazio karta bat sinatua zuen; krimena zehatz-mehatz kontatzen zuen bertan, eta hilketaren egiletzat agertzen zen. Hala ere, Auzitegi Nazionalak 6 urteko kartzela zigorra ezarri zion, kolaborazioagatik. Ordurako Frantzian zigorra betea zuenez delitu hori zela eta, handik sei hilabetera aske utzi zuten.

Guztira, Amancio Barreiroren hilketagatik zigortutako hirurek bi urte eta sei hilabeteko kartzela zigorra bete dute.