ETAGallery
Deskribapena
Deskribapena
1980ko urtarrilaren 23an, ETAko bi terrorista Alfredo Ramos Vázquezen Stadium tabernan sartu ziren eta, haren emazteari, alabari eta iloba bati geldi egoteko esan ondoren, ostalaria ibilgailu baten sartu eta Zugaztietako meatze ingurura eraman zuten, Barakaldotik 7 kilometrora. Han biktima galdekatu egin zuten, buruan bost tiro eman aurretik. Bahiketatik hogeita hamar minutura, komunikatzaile anonimo batek Egin egunkarira eginiko abisu batez adierazi zuen gorpua zegoen lekua. Mezu laburrak honela zioen: “Bahitua, galdekatua eta tirokatua. Zugaztietako sarreran dago”.
Ramos Bizkaiko eskuin muturrarekin lotua zuten Interviú aldizkariko erreportaje batzuetan. Berak gutunak bidali zituen Bizkaiko prentsara, ziurtatuz ez bera, ez familia, ez zirela inongo alderdi politikotakoak; horrek ez zion, baina, bizia salbatzeko balio izan. Jesús García, erreportajeetan agertua hura ere, urte bereko urtarrilaren 5ean hil zuen ETAk.
Prentsa
