Alfonso Morcillo Calero

Deskribapena

Alfonso Morcillo Calero Donostiako Udaltzaingoko sarjentua zen. Goizeko zortziak eta laurdenetan, Lasarteko etxetik irten zenean lanera joateko, bi terrorista hurbildu zitzaizkion, Francisco Javier Gartzia Gaztelu Txapote eta Juan Ramon Karasatorre Aldatz, eta berbertatik egin zioten tiro bizkarretik. Bertan hil zen. Valentin Lasarte terroristak ere parte hartu zuen atentatuan, terrorista biak autoz eraman baitzituen hilketa lekuraino, eraila zaintzeko lanez arduratzeaz gain.

Biktima Ikerkuntza Unitateko arduradun nagusia zen eta, horrenbestez, Udaltzaingoko bigarrena. 1994ko azken hilabeteetan, ETA talde terroristak Udaltzaingoaren barnean zeuzkan topoak ikertzen ari zen; horrek taldearen jopuntuan jarri zuen. José Mari Callejak bere ¡Arriba Euskadi! liburuan kontatzen duen bezala, Morcillo saiatzen ari zen erakusten Donostian bazirela goizean trafikoa erregulatzen zuten eta arratsaldean ETAri informazioa ematen zioten udaltzainak.

Prentsa