ETAGallery
Deskribapena
Deskribapena
1978ko maiatzean, Poliziak ETAren bi komando desartikulatu zituen, Mendizabal eta Sherpa zehazki, eta kideetako batzuk atxilotu zituen. Zelularen ustezko burua Tomas Sulibarria Goitia zen; Frantziara egin zuen ihes, emaztearekin eta alabarekin. Handik hilabete batzuetara, Bizkaiko Mundakako bizilagunek larri zaurituta aurkitu zuten, lepoan tiroa zuela. Berak berehala esan zuen ETAkoa zela, eta Poliziak atxilotu egin zuen. ETAk berehala aitortu zuen, komunikatu batez, berak egina zela Sulibarriaren kontrako atentatua; poliziaren isil-mandataria izatea leporatzen zioten. Haren familiak, baina, gezurtatu egin zuen hori. Sulibarria preso sartu eta urtebeteko kartzelaldia bete zuen.
1980ko ekainaren 3an Sulibarriak beste atentatu bat izan zuen Bilboko Alde Zaharrean. Bi terrorista atzetik hurbildu eta tiro bakarra jo zioten garondoan; hantxe bertan hil zen. ETAk, berriro ere, bere gain hartu zuen atentatuaren ardura, lehengo salaketak errepikatuz.
Prentsa
