Gallery

Deskribapena

Jaioterria: Castilla y León
Adina: 40
Seme-alabak: 3
Egoera zibila: Ezkonduta
Lanbidea: Guardia Zibileko agentea
Atentatuaren data: 28/04/1980
Atentatuaren lekua: Lezo
Errudunak: Francisco Javier Aranzeta Eguizabal
Arma: Pistola
Hiltzailea: ETA

Deskribapena

Rufino Muñoz Alcalde Donostiatik Hondarribiko bere etxera zihoan, lineako autobus batean. Geraleku berean igo zen Hipólito Rodríguez Ramos polizia nazionala bere emaztearekin. Rufino eta Hipólito kale-jantzian zihoazen, eta autobuseko eserleku banatan eseri ziren. Gaintxurizketako gainean, Errenteriatik bost bat kilometrora, hiru gizabanako igo ziren autobusera. Autobusa atzera martxan jarri orduko berbertatik egin zioten tiro Rufinori, ibilgailuaren aurrealdean baitzegoen gidariarekin hizketan. Rufino Muñoz zerraldo erori zen, odol ugari botatzen zuela. Hantxe bertan hil zen. Hiru etakideek autobusa gelditzeko agindu zioten orduan gidariari, eta bizkor jaisten hasi ziren.

Une horretan Hipólito Rodríguez Ramos, kale-jantzian eta armarik gabe emaztearekin baitzihoan autobusean, azken terroristari oldartu zitzaion, harrapatzeko ahaleginetan. Borroka horretan polizia nazionalak judoko giltza bat egin zion eskuineko eskuko eskumuturrean, pistola zeukan-eta artean. Etakidearen pistolak tiro egin eta bera jo zuen bularraldean. Francisco Javier Arantzeta Egizabal Lepo zen.

Prentsa