Ricardo García Pellejero

Deskribapena

1976ko maiatzak 9an, Jurramendin (Nafarroako mendi bat), karlistek euren urteroko ospakizuna antolatu zuten. Momentu horretan, karlisten artean zatiketa handia zegoen. Alde batetik, Karlos Hugo Borboikoaren aldekoak (sozialistak) eta, bestetik, Sixto Borboikoaren aldekoak (ultraeskuindarrak). Sixtinoak, militarrez jantzita, Jurramendiren inguruan zegoen hotel batean zeuden eta metraileta bat ipini zuten mendi gailurrean. Lehenengo istiluak sortu zirenean, José Luis Marín García-Verdek (Armadako ofizial erretiratuta) pistola bat atera eta Aniano Jiménez Santos karlista tirokatu zuen. Ondoren, tiro gehiago etorri ziren eta Sixto Borboikoaren aldekoek metraileta erabili zuten. Horren ondorioz, Ricardo García Pellejero hil zen eta gutxienez beste hamabi pertsona zauritu zituzten.

Ricardo García Pellejero Lizarrako langile gazte bat zen. Tiroak jaso eta berehala hil zen.