Ramón Díaz García

Deskribapena

Ramón Díaz Garcíak Donostiako bere etxetik irten eta Etxarri tabernan gosaldu zuen, egunero ohi zuen moduan, Itsas Komandantziara lanera joan aurretik. Gero bere Ford Orion autoan sartu, kontaktuari eman eta atzerako martxa sartu zuen. Une horretan, autoa lehertu eta burdin mordoa bihurtu zen. Ramón Díaz García ibilgailuaren sabaitik kanpora bidali zuen leherketa izugarriak, gorputza zeharo txikituta. Hantxe bertan hil zen.

Leherketak gertaeren lekutik hurbil zeuden beste lau pertsona ere zauritu zituen: Ramón Ayesa Vidal, Enrique del Río Serrano, Ugaitz Tolosa Blanco eta Endika Urreaga Cebrain.

Prentsa