Ramiro Salazar Suero

Deskribapena

1983ko uztailaren 23an, ETAk Ramiro Salazar Suero hil zuen Gasteizen, goizeko 9,30ak pasatxo zirela. Ibilgailuen salerosketa-lantegia zen Salazar automobil enpresaren jabea zen Ramiro. Uztailaren 23 hartan, ETAko bi pistolarik, aurpegia agerian, garondoan egin zioten tiro, lokala ireki behar zuenean. Etakideek denbora pixka bat zeramaten jada inguru hartan bueltaka, Ramiro iritsi zain, eta hari segitu eta bizkarretik inguratu zitzaizkion, erreakzionatzeko astirik eman gabe.

Armaren detonazioa entzun zutelarik, pertsona batzuk hurbildu ziren, zer gertatu zen ikustera; tartean zen biktimari laguntzen saiatu zen Gurutze Gorriko kabo bat. Zauritua Santiago ospitalera eraman zuten, eta handik hiru ordura hil zen.

Prentsa