Pedro Ortiz de Urbina Garayalde

Deskribapena

Pedro Ortiz de Urbina Garaialde poliziaren komisariorde jada erretiratuaren hiltzaileek zehatz-mehatz planifikatua zuten haren hilketa: auto bat lapurtu zuten, jabea atzeko eserlekuan utzita; biktima Gasteizen bizi zen eraikineko atezaina lotu zuten, eta emakumezko atezaina komisariordearen etxeko atea jotzera behartu zuten, hark atea irekiko zuela ziurtatzearren.

Atea ireki orduko, hitzik esateke, tiroz hil zuten, Pedro arriskuaz jabetu eta atea ixten saiatu bazen ere. Jaurtigai batek bularraldean jo zuen, eta buruan beste batek. Atalasean bertan erori zen, hilik; leku hartan lau bala-zorro jaso zituzten gero. Terroristak eskaileretan behera jaitsi ziren, autoraino, konplize bat zuten eta bertan zain, eta ihesari eman zioten.

Prentsa