Nezar Amad El Sabach

Deskribapena

Nezar Amad El Sabachek Siriatik erbestera atera behar izan zuen eta Espainian 14 urte zeramatzan. 1981ko azaroaren 21an, gauean, Nezar Amad Bartzelonako Meridiana hiribideko islamiar bilgune batean zegoen. 22.00ak aldera, eraikinean bizi zirenek bi detonazio entzun eta Poliziari deitu zioten. Agenteak ailegatu zirenean, biktimaren gorpua lurrean aurkitu zuten. Bi tiro jaso zituen buruan. 7,65 mm-ko balak han bertan utzi zituzten. Nezar Amad San Pablo ospitalera eraman zuten, baina hilda ailegatu zen. Gorpua Granadara eraman zuten, han bizi bait zen Bartzelonara iritsi baino lehen. Espainia osoko lagunak hurbildu ziren hiletara.

‘El País’ egunkariak Anaia Musulmanak izeneko taldearen dei bat jaso zuen. Ustez, biktima talde horren kidea zen. Erakundeak Assaden Gobernuaren politika salatzen zuen, bereziki oposizioko kideen hilketak. Espainian bizi ziren Siriako beste pertsona askok ere Damascoren eskua ikusten zuten heriotza honetan. Handik bost egunetara, ‘El País’-ek Siriako enbaxadak idatzitako eskutitz bat jaso zuen. Idazki honen arabera, Gobernuak ez zuen inolako ardurarik hilketa honetan. Hurrengo urtean, martxoan, palestinar bat hil zenean, ‘El País’-ek argitaratu zuen, Espainiako iturriak aipatuz, enbaxadaren eskutitzak sinesgarritasun gutxi zeukala.

Prentsa