ETAGallery
Deskribapena
Deskribapena
1979ko urtarrilaren 13ko goizeko hiruretan, larunbatarekin, Jose Maria Zaldua Korta etakideak lehergailu indartsu bat aktibatu zuen, urrunetik, pila batzuei eta mendian zabaldutako 150 metro kableri konektatutako sistema elektriko baten bitartez. Lehergailua errepideko eskuineko ezpondari atxikita zegoen, eta Guardia Zibilaren bi Land Rover Loiolako santutegia eta Azpeitiko herria lotzen dituen errepidetik igaro zirenean gertatu zen leherketak ibilgailuetako bigarrenaren aurrealdea txikitu zuen, galtzadatik 15 bat metro kanpora botaz. ETAk hantxe bertan hil zuen Francisco Gómez Gómez-Jimenez, eta haren lankide Juan Muñiz larri zauritu bazuen ere, agenteak bizirik ateratzea lortu zuen, hamabost hilabeteko osatze prozesuaren ondotik.
Tragedia ez zen lehenbiziko lehergailuarekin amaitu, zeren eta eguna zabaldu zuenean, Gipuzkoako Komandantziako Lehergailu Desaktibazio Taldeko agenteak ingurua ikuskatzera joan ziren. Pakete susmagarri bat aurkitu zuten eta, desaktibatzen hasi behar zutenetan, lehergailuak eztanda egin eta Miguel García hil zuen. Tedax taldeko Francisco Mota Calvo lankidea handik bi egunera hil zen.
Prentsa
