Terrorismo yihadistaGallery
Deskribapena
Deskribapena
Martha Plasensiak bost urte zeramatzan Espainian. Nazionatasun agiria lortu berri zuen. Dominikar Errepublikatik etorri zen eta barneko neskamea zen adineko batzuen etxean. Bost anai-arreba ziren guztira eta nebetako bi Espainiara etorri ziren ere. Marthak ez zuen trena maiz erabiltzen, baina aurreko egunean lan egin ez zuenez Villaverdera joan zen nebekin egoteko. Senide batek trena hartu behar zuen Atochan eta Martha berarekin joan zen. Eztanden ondorioz, emakumea hil zen baina senideak bizirik irtetea lortu zuen Guadalajararako trena hartu bait zuen.
2004ko martxoak 11 osteguna zen. Egun hartan, Madrilen, Al-Qaeda taldeko terroristek 13 lehergailu ipini zituzten Renfe konpainiaren Aldiriak zerbitzua eskaintzen zuten lau trenetan. 7.37tik 7.39ra bitartean, aukeratutako trenak Atocha, El Pozo del Tío Raimundo eta Santa Eugenia geltokietan eta Téllez kalean zeuden. Tarte horretan 13 lehergailuetatik 10-k eztanda egin zuten eta, guztira, 191 pertsona erail zituzten. Gutxi gora-behera beste 1.500 pertsona ere zaurituak suertatu ziren. Espainiako historiako atentaturik latzena izan zen. Egun batzuk geroago, 2004ko apirilak 3an, Poliziako GEO taldeko kideei Leganés udalerriko etxe batera sartzea agindu zieten atentatuaren arduradunak han ezkutatzen omen bait ziren. Terroristek bere buruaz beste egin zuten 20 kiloko lehergailuak eztandaraziz. Hedatze-uhinak GEO baten heriotza eragin zuen eta bera da M-11ko zerrenda luzea ixten duen 192. biktima.
Argazkiak
Audioa
Prentsa
