Deskribapena
Deskribapena
María José García Sánchez inspektorea operatibo antiterrorista batean ari zen parte hartzen, lankide zituen Informazio Brigada Zentraleko kide batzuekin batera. Etxebizitza bat zuten lokalizatuta Vista Alegre urbanizazioan, uste baitzuten ETAko kide batzuk han zeudela ezkutatuta. Agenteak etxean sartzeko prestatzen ari ziren.
Pixka batean itxaron ondoren, atariko atea behartu zuen poliziak. Talde bat igogailuan igo zen seigarren solairuraino, terroristak han egon zitezkeela uste baitzuten; bitartean, beste talde bat atarian geratu zen, atzera egin beharra fortunatuz gero babesa ematearren. Azken horien artean María José García zegoen. Alabaina, etakideak konturatu ziren poliziak inguruan zirela, eta ihesari eman zioten. Inspektorea eskaileretan gora hasi zen, eta atariaren eta lehen solairuaren arteko eskailburura iritsi zenean terroristekin egin zuen topo; haiek tiro egin eta hiltzeko zauriak eragin zizkioten.
Terroristek bi granada bota zituzten, eta tiroketa handia sortu zen. Ondoren ihes egin zuten, lehen solairuko sarraila tiroz txikitu eta geletako bateko leihotik salto eginda.