Manuel Carrasco Almansa

Deskribapena

1995ko abenduak 11an, gutxi gora-behera arratsaldeko hiruretan, ETAko terroristek lehergailuz betetako auto bat eztandarazi zuten, 50 kilo guztira. Puente de Vallecastik zihoan Armadaren furgoneta bati eragin zion.

Atentatuan Armadaren automobil-parkean lan egiten zuten sei langile zibil hil ziren, Manuel Carrasco Almansa, Santiago Esteban Junquer, José Ramón Intriago Esteban, Florentino López del Castillo, Félix Ramos Bailón eta Martín Rosa Valera hain zuzen ere. Etxera zihoazen lanaldia amaitu ostean. Gainera, 17 pertsona gehiago zauritu zituen leherketak. Kalte material handiak ere egon ziren, autobus bat barne. Autobus horrek atentatua baino minutu batzuk lehenago 30 neska-mutil utzi zituen handik hurbil zegoen ikastetxe batean. ETAren historiako atentaturik odoltsuenetakoa izan zen.

Manuel Carrasco Almansak 56 urte zituen eta Almadén herrian (Ciudad Real) jaio zen. Ezkonduta zegoen eta lau seme-alaba zituen. 1972az geroztik Armadako gidaria zen. Carabancheleko hilerrian hilobiratu zuten.

Argazkiak

Audio

Prentsa