Manuel Ángel de la Quintana García

Deskribapena

Manuel Ángel de la Quintana Marbellatik itzuli berria zen. Emaztearekin eta bere bi semeekin, 12 eta 15 urtekoak, oporretan egon zen. 1984ko irailaren 5ko goizean etxetik irten zen lanera joateko. Urbis higiezinen agentziako zuzendari nagusia zen. Etxetik irten eta, kotxez, Samaría kalea zeharkatu zuen Nazaret hiribiderantz. Baina 2. zenbakian GRAPOko kide batzuek bidea moztu zioten furgoneta batekin. Ibilgailu hura lapurtu zuten ordu batzuk lehenago eta jabea atzeko partean bahituta zeukaten. Manuel Ángelek balaztada bat egin behar zuen. Furgonetatik bi terrorista jaitsi, enpresariaren autora hurbildu eta zazpi aldiz tiro egin zioten, bi aldeetatik. Ihes egin zuten, baina euren biktima oraindik bizirik zegoela konturatu zirenean, atzera egin zuten eta berriro ere tiro egin zioten. Terroristek furgoneta Ibiza eta Márquez kaleen artean utzi zuten eta jabea bizirik irtetea lortu zuen.

Egun hartan, GRAPO taldeak Sevillan beste enpresari bat erail zuen, Rafael Padura, hain zuzen. Padura Sevillako patronalaren burua zen. Gertakari hauek ez zuten Polizia harritu. Izan ere, hiru urte lehenago GRAPOko burua zen Enrique Cerdán Calixto Bartzelonan hil zen Polizia Nazionaleko agenteekin izandako tiroketa batean.