Gallery
Deskribapena
Deskribapena
2004ko martxoaren 11n, Laura Vega goiz esnatu zen lanera joateko. Bere lantokira joateko, halabeharrez, Parlako aldiriko trena hartu behar zuen Atocharaino. Hor, beste tren bat hartzen zuen hiriko iparralderaino iristeko. Negu giroa zegoen goiz hartan. Bere etxetik atera zen, Madrileko hegoaldeko udalerri batean, egunero bezala, bulegora joateko. Aldiriko trenetik jaitsi zen eta Atochako geltokirantz jo zuen. Hogei minutu gelditzen zitzaizkion oraindik helmugara iristeko. Baina ez zen inoiz iritsi lan egiten zuen tokira.
2004ko martxoaren 11 osteguna izan zen. Goizeko lehen orduan, Al-Qaeda taldearekin lotutako terroristek hamahiru bonba ipini zituzten Madrileko lau aldiriko trenetan. Goizeko 7:37 eta 7:39 artean, trenak Atocha, El Pozo eta Santa Eugenia geltokietan eta Téllez kale parean zeudela, bonba horietako hamar lehertu egin ziren. Horren ondorioz, 191 pertsona hil eta 1.500 zaurituta gelditu ziren. Espainiako historiaren atentatu terrorista larriena izan zen. 2004ko apirilaren 3an, GEO (Operazio Berezietako Talde) agenteak Leganeseko pisu batera sartzear zeudela, atentatuen egileak bertan ezkutatuta egon zitezkeelako susmoa zutelako, terroristek suizidio kolektiboa egin zuten eta hogei kilo leherkari eztandarazi zituzten. Uhin edakorrak GEO bat hil zuen.
Laura Vega izan zen martxoaren 11ko atentatuen ondoriozko 193 hildakoen zerrenda zitala itxi zuen pertsona, atentatua gertatu eta hamar urte beranduago. Madrileko Doce de Octubre ospitalera iritsi zen garuneko lesio traumatiko larriarekin. Kirurgiari esker, bizirik mantentzea lortu zuten, baina laster esan zieten gurasoei oso zaila izango zela Laura komatik ateratzea. Egoera begetatiboan egon zen hamar urtez eta, azkenean, 2014. urtean, hil egin zen.