Laura Ramos Lozano

Deskribapena

Laura Ramos Hondurasen jaio zen baina 10 urte zeramatzan Espainian. Bere senarra Espainian bizi zen jada eta horregatik etorri zen. Etorkizun oparoagoa nahi zuten. Sei seme-alaba zituzten. Haietako lau Espainian zeuden ere bai. Egunero trena hartzen zuen lanera joateko. Supermerkatu batean behar egiten zuen. Senarrak, normalean, autoa erabiltzen zuen lanera joateko, baina egun hartan trenez joan zen ere. Biak hil ziren.

2004ko martxoak 11 osteguna zen. Egun hartan, Madrilen, Al-Qaeda taldeko terroristek 13 lehergailu ipini zituzten Renfe konpainiaren Aldiriak zerbitzua eskaintzen zuten lau trenetan. 7.37tik 7.39ra bitartean, aukeratutako trenak Atocha, El Pozo del Tío Raimundo eta Santa Eugenia geltokietan eta Téllez kalean zeuden. Tarte horretan 13 lehergailuetatik 10-k eztanda egin zuten eta, guztira, 191 pertsona erail zituzten. Gutxi gora-behera beste 1.500 pertsona ere zaurituak suertatu ziren. Espainiako historiako atentaturik latzena izan zen. Egun batzuk geroago, 2004ko apirilak 3an, Poliziako GEO taldeko kideei Leganés udalerriko etxe batera sartzea agindu zieten atentatuaren arduradunak han ezkutatzen omen bait ziren. Terroristek bere buruaz beste egin zuten 20 kiloko lehergailuak eztandaraziz. Hedatze-uhinak GEO baten heriotza eragin zuen eta bera da M-11ko zerrenda luzea ixten duen 192. biktima.

Argazkiak

Audioa

Prentsa