Julio Segarra Blanco

Deskribapena

1983ko maiatzaren 4an, ETA talde terrorista Polizia Nazionaleko Julio Segarra Blanco tenientea bahitzen saiatu zen, taldeko presoekin trukatzeko xedez. Horretarako auto bat lapurtu zuten pistolaz, eta Bilboko Santutxu auzoko Karmelo plazako garaje batean sartu ziren.

Han, terroristek ustekabean harrapatu zuten polizia, 08:00ak inguruan jaitsi baitzen bere autoa hartu eta Basauriko kuartelera joateko. Hankak eta eskuak alanbrez lotu, eta ahoa esparatrapuz estali zioten. Ibilgailu baten maletategian sartzear zirela, Polizia Nazionaleko kabo Pedro Barquero González eta Dolores Ledo García senar-emazteak sartu ziren garajean; emakumea ia-ia zazpi hilabeteko haurdun zegoen. Pedrok bere arma atera, baina terroristek aurrea hartu eta poliziari eta haren emazteari egin zieten tiro. Ondoren, gauza bera egin zuten Juliorekin, lotuta baitzegoen, ahoa estalita. Krimenaren ondotik terroristek ihesari eman zioten, eta bizilagun batekin topo egin zutelarik poliziak zirela esan zioten.

Prentsa