Juan Carlos García Goena

GALGAL

Gallery

Deskribapena

Jaioterria: Euskadi
Adina: 28
Seme-alabak: 3
Egoera zibila: Ezkonduta
Lanbidea: Argiketaria
Atentatuaren data: 24/07/1987
Atentatuaren lekua: Hendaye
Arma: Bonba-autoa
Hiltzailea: GAL

Deskribapena

1987ko uztailaren 24an, goizean, 28 urteko Juan Carlos García Goena bere etxetik atera zen lanera joateko. Hendaian bizi zen, Ipar Euskal Herrian. 5.40ak aldera, autora igo zen. Etxetik hurbil aparkatuta zegoen. Motorra abiaraztean, GAL erakundeak autoaren azpian atxikitako bonba batek eztanda egin zuen. Emazteak –haurdun zegoen, euren hirugarren alaba izango zen- suntsitutako autoa eta García Goenaren gorpua ikusteko aukera izan zuen. Berehala hil zen.

Juan Carlos García Goena Gipuzkoan jaiotako argiketaria eta kontzientzia-objektorea zen. Zazpi urte lehenago, derrigorrezkoa zen soldadutzatik ihes egin eta Ipar Euskal Herrira bizitzera joan zen. Hilketaren momentuan, SNCF trenbide zerbitzuari laguntzen zion enpresa batean lan egiten zuen eta Espainiara bueltatzeko dokumentazioa prestatzen ari zen. ETArekin ez zeukan inolako loturarik eta GAL erakundearen azken biktima izan zen.

Prentsa