José Torralba López

Deskribapena

Luis Martos García eta José Torralba López Irungo Zerga Espezialisten Postura atxikitako guardia zibilak ziren, eta mugan kamioiak kontrolatzea zuten eginkizun. 1980ko apirilaren 16an, arratsaldeko zortziak eta laurden inguruan, Frantziako muga igarotzeko Irungo aduanako kabinaren barruan zeuden, ETAko bi terroristak bizkarretik metrailatu zituztenean. Luis eta Josék bizkarra ematen zieten erasotzaileei eta, horrenbestez, ezin izan zituzten hurbiltzen ikusi. Erasotzaileek guztira 38 tiro jo zituzten kasetaren kontra, zenbait tiro-sorta joz metrailadorez. Aduanako funtzionario batzuek artatu zituzten agenteak, eta Donostiako ospitale militarrera eraman zituzten; han, baina, hilik zeudela egiaztatu besterik ezin izan zuten egin.

Biktima Logroñoko Guardia Zibilaren erreserbakoa zen, eta bost egun baino ez zeramatzan Irungo muga postuan zerbitzua ematen ETAk metrailatu zuenean.

Mugako agente eta funtzionario gehienek egun bateko lanuztea egin zuten Irunen, dolua adierazteko.

Prentsa