José María Sarrais Llasera

Deskribapena

1978ko abenduaren 5eko arratsaldea zen, eta ordu gutxi falta ziren Konstituzioari buruzko erreferendumerako. Gabriel Alonso Perejil Polizia Nazionaleko komisariordea, 62 urtekoa, bi seme-alaben aita eta erretiroa hartzear zegoena, José María Sarrais Llasera komisarioa, 56 urtekoa, bost seme-alabaren aita, eta Ángel Cruz Salcines udaltzaina, 60 urtekoa, aperitiboa hartzen ari ziren Donostiako Urgull tabernan, Aldapetako Poliziaren kuarteletik eta Donostiako komisariatik hurbil.

ETAko hiru kide tabernan sartu ziren. Horietako batek lurrean etzanarazi zituen bezero eta zerbitzariak, eta beste biek tiro egin zieten agenteei. Gabriel Alonso une horretan bertan hil zen; José María Sarrais, zauriturik jada, ezkutatzen saiatu zen, baina lurrean errematatu zuten; eta Ángel Cruz Arantzazuko Ama Ospitalera zeramatela hil zen. Gauerdian, ETAk TVEren programazioa eten, Konstituzioaren kontrako komunikatu bat emititu, eta Eusko Gudariak jarri zuen.

Prentsa