José María Sánchez García

ETAETA

Gallery

Deskribapena

Jaioterria: Castilla y León
Adina: 34
Seme-alabak: 2
Egoera zibila: Ezkonduta
Lanbidea: Polizia Nazionaleko lehergailu-teknikaria (TEDAX)
Atentatuaren data: 24/05/1989
Atentatuaren lekua: Bilbo
Errudunak: José Luis Martín Carmona, Fernando del Olmo Vega, Inmaculada Pacho Martín
Arma: Bonba-autoa
Hiltzailea: ETA

Deskribapena

1989ko maiatzaren 24ko goizeko zortziak eta hamar zirela, Bilbon ETAk bonba-auto batez José María Sánchez García eta Manuel Jódar Cabrera polizia nazionalak eta Luis Hortelano García ertzaina hil zituen. Agente hilak beren erakundeetako lehergaiak desaktibatzeko espezialista-taldeetakoak ziren.

 

Segurtasun indarren arreta erakartzeko, terrorista batzuek, aurrez, indar txikiko lehergailu bat jarri zuten Bilboko Zorrotza auzoko Peugeoten kontzesionario batetik hurbil. Lehen artefaktuak eztanda egin ondoren, agente batzuk inguratu ziren leku hartara. Inguruak arakatu eta taxi lapurtu bat aurkitu zuten; haren maletategian beste bonba bat zegoen. Hiru poliziak txikituta geratu ziren, hogei kilo amonal, berrogei kilo metraila eta pentritazko biderkatzaile bat zeuzkan bidoiak eztanda egin zuenean. Atentatua kontu handiz prestatu zuen erakunde terroristak, bonba-autoa desaktibatzea zailtzeko eta biktimak izatea ziurtatzeko.

Prentsa