ETAGallery
Deskribapena
Deskribapena
José María Arrizabalaga Arkotxa 27 urteko gaztea zen. Urtebeteko eriondoa igaro zuen, paraxut istripu batean izan zituen zauri larrien eraginez. 1978ko abenduaren 27a zen Ondarroako udal liburutegiko lanera itzultzen zen lehen aldia. Arratsaldeko seiak inguruan, eraikinean haur pare bat baino ez zegoela, ETAko bi kide sartu, identifika zedin mehatxu egin, eta balaz josi zuten. Biktimak hamaika bala-zauri zituen, eta hantxe bertan hil zen. Krimenaren lekuko bakarrak, haurrak, deiadarka irten ziren liburutegitik; eta zain zuten auto batean egin zuten ihes terroristek.
Iritsi ziren lehen helduek Jose Mariaren gorpua aurkitu zutenerako, arratsaldeko zazpiak eta laurden ziren jada. ETAk handik bi egunera erreibindikatu zuen atentatua, eta biktimari “errepresio elementua” izatea eta Comunión Tradicionalista-ren buruzagi Sixto Borboi-Parmarekin batera 76an Montejurran izandako gertaeretan parte hartu izana leporatzen zion.
Biktimaren familia ETAren erasoak jasana zen lehenago ere. 1971ko abenduaren 14an, ETAk bonba bat jarri zuen Ondarroako alkate izandako anaiaren lurrin-dendan.
Prentsa
