José Manuel Baena Martín

Deskribapena

ETAko zenbait kideren atxiloketen ondorioz, Iruñeko Polizia Nazionalak Joaquín Imaz komandantea erail zuten terroristei buruzko informazioa lortu zuen. Polizia talde bat San Jorge hiribideko 77. zenbakira joan zen eta etxebizitza bat miatu zuten. Armak eta agiri faltsuak aurkitu zituzten agenteek. Poliziak han zeudenean, ETAko bi kide ailegatu ziren. Agenteak identifikatu zituztenean, tiro egin zuten. José Manuel Baena inspektorea berehala hil zen. Bi terroristak ere zendu ziren, Ceferino Sarasola Arregui eta Joaquín Pérez de Viñaspre. Imaz komandantearen hiltzaileak ziren. Baena inspektorea ezkonduta zegoen eta hiru seme-alaba zituen, sei hilabete eta 12 urte bitartekoak. Kanarietara joateko asmoa zeukan eta lekualdaketa eskatu nahi zuen, han bere familia bizi bait zen.

Argazkiak

Prentsa