Gallery

Deskribapena

Jaioterria: Madrid
Adina: 33
Seme-alabak: 0
Egoera zibila: Ezkonduta
Lanbidea: Gobernuko Presidentziaren Segurtasun saileko funtzionarioa
Atentatuaren data: 12/04/1985
Atentatuaren lekua: Madrid
Arma: Bestelako lehergailuak
Hiltzailea: Terrorismo Islamista

Deskribapena

1985ko apirilak 12an, 22.30etan gutxi gora-behera, Torrejón de Ardozeko AEBko base militarretik hurbil zegoen El Descanso jatetxea jendez gainezka zegoen. Ostiral hartan, 300 pertsona inguru jaten, edaten eta abesten ari ziren. Haietako asko estatubatuarrak ziren. Han zegoen gizon gazte bat komunera joan zen eta handik ateratzean kirol-poltsa bat barra gainean utzi eta tabernatik irten zen. Handik lasterrera leherketa izugarria egon zen. Poltsaren barruan 5 kilo lehergailu zeukan bonba bat zegoen eta haren eztandak eraikina eraitsi zuen. Goiko bi solairuak sotoaren gainean erori ziren, biktima gehienak zeuden lekua, alegia. Asko eta asko hil ziren obra-hondakinen eraginez. Guztira 18 pertsona hil ziren eta 84 gehiago larriki zaurituta suertatu ziren. Hurrengo egunetan yihadistek atentatuaren egiletza bere gain hartu zuten. Poliziak, ordea, WAAD (‘Agintza’) taldearen aldarrikapena gehiago sinetsi zuen. WAAD Palestinaren askapenerako Fronte Popularrarekin lotuta zegoen. Dena den, ikerketa 1987an amaitutzat jo zuten benetako autoretza ezin izan zelako egiaztatu.

2005ean, kasua preskribatzeko zorian zegoenean, ikerketa berriro ireki zuten lekuko batek Mustafá Setmarian Nasar (Al Suri) atentatuaren arduraruntzat identifikatu zuenean. 2004ko martxoak 11ko erasoekin ere lotuta zegoen.

José Arturo Rodríguez Pato bere emaztearekin afaltzen ari zen El Descanso jatetxean. Cristina Saladok bizirik ateratzea lortu zuen. Beraiekin bi lagun zeuden, hil zen Mercedes Dresh Recarte eta haren senargaia, Alberto Ortega. Cristina bi ordu hondakinen artean lurperatuta egon zen baina azkenean handik atera zuten. Hiru egunen buruan bere senarra hil zela jakin zuen. “Susmoa neukan. Arturo eta biok oso lotuta geunden eta jadanik hurbil ez zegoela sentitzen nuen”, esaten zuen.

Argazkiak

Prentsa