ETAGallery
Deskribapena
Deskribapena
1975eko urriaren 12an ETAk Germán Agirre Irasuegi taxilaria hil zuen Legution. Eguneko azken orduan detonazio batzuk entzun ziren herrian. Hasiera batean, bizilagunek pentsatu zuten Guardia Zibilaren salbak zirela, zaindariaren eguna ospatzen ariko baitziren. Alabaina, erakunde armatuan dolua zuten, egun batzuk lehenago Arantzazuko Andre Mariaren santutegian hiru agente hil zituztelako; hala, berehala hasi ziren tiroen jatorria aztertzen.
Denbora askorik ez zuten behar izan, Germán Agirre taxilariaren gorpua Santa Engraziako urtegitik gertu amaitzen zen bide batean aurkitzeko. Terroristek hiru tiro jo zizkioten garondoan, eta hantxe bertan hil zen. ETAk hasiera batean hilketa erreibindikatu ez bazuen ere, urte asko geroago zenbait informazio hartu zioten José Luis Álvarez Santacristina Txelis ETAko buruzagiari; informazio horretan, Poliziaren isil-mandataria izatea leporatzen zioten biktimari.
Prentsa
