Francisco Javier Torronteras Gadea

Deskribapena

2004ko apirilak 3an, Poliziako GEO taldeko kideei Leganés udalerriko etxe batera sartzea agindu zieten urte hartako martxoaren 11ko atentatuen arduradunak han ezkutatzen omen bait ziren. Operazio hartan Francisco Javier Torronteras Gadea agenteak parte hartu zuen. Terroristek bere buruaz beste egin zuten 20 kiloko lehergailuak eztandaraziz. Hedatze-uhinak agentearen heriotza eragin zuen eta bera da M-11ko zerrenda luzea ixten duen 192. biktima.

Francisco Javier Torronteras Gadea Madrilen jaio zen 1962an eta Polizian 17 urte zeramatzan. Ezkonduta zegoen eta bi seme-alaba zituen. Guadalajaran bizi ziren. Eskarmentudun polizia zen. Terrorismoaren aurkako hainbat operazioetan parte hartu zuen eta Argentinan edo Txilen burututako nazioarteko misioetan ere bai.