ETAGallery
Deskribapena
Deskribapena
1984ko abenduaren 7an, Infanteriako zaindariaren egunaren bezperan, 15:30 inguruan ETAk atentatua egin zuen 14 militar eta enplegatu zibil zeramatzan mikrobus baten kontra; mikrobusak Polizia Militarraren bi Land Rover zeramatzan eskolta, aurrean bata eta atzean bestea.
Konboi militarra Soietxeko kuarteletik zetorren, eta Bilborantz zihoan N-634 errepidean barrena. Galdakaoko El Gallo bidegurutzera iristean, bazterbidean aparkatutako ibilgailu batek eztanda egin zuen, ETA talde terroristako kideek teleaginte batez aktibatu baitzuten; ibilgailua 20 kilo goma 2 baino gehiagoz eta metraila askoz zegoen kargatuta. Konboia stop seinale batean une batez gelditu, eta atzera abiatu zen unean gertatu zen leherketa.
Eztandaren ondoren, eskoltako ibilgailuetan zihoazen Polizia Militarreko kideek aurre egin behar izan zioten terroristen erasoari, handik metro batzuetara zeudela metrailatu eta errematatu egin nahi baitzituzten militar zaurituak. Hedatze-uhinak eta metrailak bete-betean harrapatu zuten mikrobusa eskuinaldetik, eta zeharo txikituta utzi zuten. Taldeak hiru pertsona hil zituen, tartean Francisco Javier Fernández Lajusticia tenienteordea; eta beste hamaika pertsona, soldadualdiko soldaduak gehienak, zauritu zituzten, oso larri horietako batzuk. Handik gutxira, ospitalean jada, Juan Enríquez Criado tenientea eta Luis Alberto Asensio Pereda sukaldari zibila hil ziren.
Prentsa
