Carlos Arberas Arroyo

Deskribapena

Carlos Arberas Arroyo edari bat hartzen ari zen Plentziako Zabala taberna-jatetxeko barran, gaueko hamaikak laurden gutxi inguru zirela ETA erakunde terroristaren bi kide lokalean sartu, eta zenbait tiro jo zizkiotenean; hantxe bertan hil zen. Terroristak tabernatik irten eta Plentzian bertan lapurtu eta hirugarren terrorista batek gidatzen zuen taxian egin zuten ihes. Guardia Zibilak ezin izan zuen inguruan inolako dispositiborik antolatu, zeren eta Ertzaintza gertaeratik minutu gutxira agertu bazen ere atentatuaren lekuan, zenbait ordu behar izan baitzituen erakunde armatuari gertatua aditzera emateko.

Arberasek urte eta erdi lehenagotik zuen Plentziako Batela jatetxea, eta horren aurretik segurtasuneko zaindari lana egina zuen ETAren eraso asko eta asko jasandako Lemoizko zentral nuklearreko obretan.

Hilketa gertatu zen egunean, Herri Batasunak deituta milaka pertsonak manifestazioa egin zuten Bilbon, Euskal Herrian “bakea” egon zedin ETAren eta Gobernu zentralaren arteko negoziazioa eskatzeko.

Prentsa