Benigno García Díaz

Deskribapena

Benigno García Díaz 1982ko urtarrilaren 27an hil zuten, gaueko 10ak inguruan, uniformea soinean lanetik irten eta etxera zihoala bi terroristak atzetik tiro egin ziotenean. Hiru bala-zaurik larri zauritu zuten, eta ospitalera zeraman anbulantzian bertan hil zen.

Hilketaren berri berehala zabaldu bazen ere herrian, inor ez zen biktimaren etxera joan familiari abisua emateko. Bizilagun batek alargunari esan zion senarrak atentatu bat jasan zuela, baina zauri arinak besterik ez zuela. Horregatik, beste ordu bat eman zuen etxean zain, eta inork ez zuenez deitzen, etxetik irten eta lurrean gorputz baten irudia ikusi zuen. Alabaina, udaletxean esan zioten ez zela ezer gertatu, eta osasun zentrora bidean emakume batekin topo egin, eta hark honela galdetu zion: “Aizu, hil dute edo bizirik da oraindik?”. Azkenean, medikuak senarra bizirik zegoela esan zion emazteari, baina ez zela ospitalera iritsiko.

Biktimak mehatxu ugari zituen jasoak. Alargunak, Mari Carmen Etxebarriak, jasotako mehatxuei buruzko zehaztasunak eman zituen prentsaurreko batean: ‘Herriko emakume bat da, Herri Batasunaren jarraitzailea. Egun batean etxera etorri eta esan zidan: ‘Zure senarra putakumea da eta hil egingo dugu’”. Senarraren hileta elizkizunetik bueltan, bizilagun horrek berriro mehatxatu zuen Mari Carmen: “Atea jo, eta esan zidan abisatu zidala zer gertatuko zen. Alde egiteko esan zidan”.

Prentsa