ETAGallery
Deskribapena
Deskribapena
Bizkaiko Diputazioko presidente Augusto Untzeta Barrenetxea, 1977ko urriaren 8an, eta larunbatero legez, bera alkate izandako Gernikako Jai Alai pilotalekura iritsi zen, bere bi eskoltak, Antonio Hernández Fernández Segura eta Ángel Rivera Navarron guardia zibilak, zituela lagun.
Ibilgailua hurbileko aparkaleku batean aparkatu zuten, eta Augustok maletategia ireki zuenean kirol poltsa hartzeko, lehen tiroa hartu zuen buruan; horren atzetik metrailadore baten tiro-segida izan zen. Hamaika bala-tiro hartu zituen, eta hantxe bertan hil zen.
Eskoltek atzera egin zuten, tiro gune hartatik ihes egiteko, baina hiru pertsona zeuden beste turismo baten kontra jo zuten. Terroristek pilotalekuraino iristeko erabili zuten Seat 1430 autotik tirokatu zituzten Antonio Rivera eta Antonio Hernández.
Augusto Untzeta gutxi lehenago atera zen aitak fundatutako Astra, Unceta y Cía. arma fabrikatik. Poliziaren babesa eta zaintza zeramatzan Gipuzkoako Diputazioko presidente Juan Maria Araluze hil zutenetik. Hain zuzen ere, Untzeta joan zen azken ekitaldi ofiziala Araluzeren hiletaren urtemugako meza izan zen.
Untzetak ETAren mehatxu asko zituen jasota, batez ere ikurrina legeztatzearen aurka agertu zenez geroztik.
Prentsa
