Arturo López Hernández

Jaioterria: Andalucía

Adina: 37

Seme-alabak: 0

Egoera zibila: Ezkongabea

Lanbidea: Guardia Zibileko kabo lehena (Trafikoa)

Atentatuaren data: 03/11/1980

Atentatuaren lekua: Zarautz

Errudunak: Juan María Tapia Irujo, José Javier Zabaleta Elósegui.

Arma: Subfusila

Hiltzailea: ETA

Deskribapena

Arturo López Hernández Trafikoko Taldeko lau lagunekin zegoen Zarauzko Haizea tabernan, zerbitzutik kanpo eta kaleko arroparekin. 23:45 inguru zirela, hiru terrorista lokalean sartu ziren, metrailetak eskuan, beste bi kanpoan zain zeuden bitartean. Hiltzaileek armekin tiro egin eta bost agenteetatik lau eta tabernako beste bezero bat hil zituzten. Etakideek lurrean errematatu zituzten, erori ahala. Metrailatze bortitzean beste sei pertsona zauritu ziren. Guztira hirurogei bat tiro egin zituzten, tabernan aurkitutako bala-zorro kopuru handiaren arabera.

Arturo Lópezez gain, Julio Cesar Castillejos eta Modesto García guardia zibilak hil ziren atentatuan, eta baita Ángel Retamar kabo lehena ere. Migel Lasa ile-apaintzailea, tabernan zerbait hartzen ari zena, hilik gertatu zen halaber, eta Zarauzko beste lau bizilagun ere zauritu zituzten: Basilio Elola, Antonio Izquierdo, Ismael Agirre eta Izaskun Garmendia.

Zarauzko Udalak, hurrengo egunean, atentatuaren gaitzespen ahobatezkoa onartu zuen, Herri Batasunako zinegotzien ere aldeko botoarekin.