Gallery

Deskribapena

Jaioterria: Andalucía
Adina: 29
Seme-alabak: 1
Egoera zibila: Ezkonduta
Lanbidea: Polizia Nazionaleko agentea
Atentatuaren data: 14/09/1982
Atentatuaren lekua: Errenteria
Errudunak: Jesús María Zabarte Arregui
Arma: Subfusila
Hiltzailea: ETA

Deskribapena

Goizeko hamaiketan Polizia Nazionaleko bost agente, Antonio Cedillo Toscano tartean zela, Susperregi bentaraino joan ziren, Errenteriako Frantxilla baserrira, ogitarteko batzuekin otordua egiteko; ez zekiten, ordea, komando terrorista batek zaintzen zituela. Hiru agente uniformea jantzita iritsi ziren, bereizgarri ofizialak zeuzkan Z ibilgailu batean; beste biak, berriz, kaleko arroparekin zihoazen, itsas urdin koloreko Seat 131 Supermirafiori auto batean, inolako identifikazio polizialik gabe.

Otordua egin zuten lokaletik 800 metrora, su gurutzatu baten erdian ziren auto biak; hainbat puntutatik ari zitzaizkien arma automatikoekin tiro egiten. Lur malkartsuak eta ibilgailuen abiadura txikia zirela eta, helburu erraza gertatzen ziren segada baterako. Poliziak erasoari erantzuten saiatu ziren, pistolekin tiro eginez, baina ez zuten terroristetako inor jo. Agenteetako bi, Jesús Ordóñez Pérez eta Juan Seronero Sacristán, tokian bertan hil ziren, su gurutzatu hark bete-betean harrapatu baitzituen. Beste bi agente, Alfonso López Fernández eta Antonio Cedillo Toscano, larri zauritu zituzten, eta handik ordu gutxira hil ziren. Juan José Torrente Terón agentea izan zen bizirik atera zen bakarra, ia-ia bederatzi hilabeteko susperraldiaren ondoren.

Tiroketan zehar, Antonio Cedillo gai izan zen autotik irten eta terroristei tiro egiteko ihesi zihoazenean. 500 bat metro ere egin zituen oinez Errenteriarantz, harik eta lurrera erori eta furgoneta baten gidariak aurkitu zuen arte; ospitale batera eramateko eskatu zion. Alabaina, terroristekin topo egin eta haiek ibilgailua gerarazi, eta Cedillo autoan bertan errematatu zuten, tiroa emanez garondoan.

Jesus Maria Zabarte, “Arrasateko harakina” izenez ezaguna, izan zen atentatuagatik kondenatu zuten bakarra, nahiz eta zaintza-lanetan baino parte hartu ez, eta ez exekuzio materialean. Beraz, agenteak hiltzearen arduradunek ez dituzte bere ekintzak justiziaren aurrean ordaindu.

Prentsa