Angel Astuy Rodriguez

Deskribapena

Ángel Astuy Rodríguez lanera zihoan, gaueko txandan sartzeko. Arantzazu kalean oinez zihoala, ibilgailu batean zihoazen bi terroristak tirokatu egin zuten, eta ihesari eman zioten segidan. Hiru tiro zeuzkala, Vitoria tabernako ateraino iristea lortu zuen, laguntza eske, baina atean bertan hil zen.

ETAk Miguel Rodríguez Fuentes lehengusua ere hil eta ordubetera hil zuten Astuy. Egun horretan bertan, UCDren Zumarragako egoitzari ere eraso zioten, biktimarik eragiteke ordea. Gainera, manifestariek hiru guardia zibili eraso zieten Donostian, ETAko eta HBko buruzagiak atxilotzeagatik protestan ari zirela.

Oñatiko Udalak Ángel Astuyren hilketa gaitzetsi zuen hurrengo egunean, Herri Batasunako zinegotziak bertaratu ez ziren osoko bilkuran.

Prentsa