Alfonso Parada Ulloa

Deskribapena

Alfonso Parada Ulloa etxetik irten eta metro gutxi batzuk ibili orduko, terrorista bat hurbildu zitzaion atzetik, eta tiro bakarra bota zion lokian. Bizirik iritsi zen ospitalera, hamabi ordu eman zituen koma egoeran, eta goizeko ordu biak eta laurdenetan hil zen.

Alfonso Paradaren semeak asfalto gainean ikusi zuen aitaren gorputz odoldua, eta laguntzera joan zitzaion, “Nire aita da, nire aita da” deiadar egiten zuela. Biktimaren bilobak ere, atentatu lekutik hurbil ari baitzen jolasean, aitonaren irudia ikusi zuen, lurrean, izugarri egoera larrian.

Biktima galiziarra zen jaiotzez, baina bizitza osoa emana zuen Euskal Herrian lanean, Donostia eta Gasteiz artean, bere aitak egin zuen bezala Guardia Zibilean sartuta. 1986an Arma eta Lehergaietarako Interbentzioan egin zuen lan, eta gero lan burokratikoetan aritu zen.

Prentsa