ETAGallery
Deskribapena
Deskribapena
1985ko ekainaren 12ko 10.00etan, gutxi gora-behera, Armadaren koronela zen Vicente Romero González-Calatayud etxetik irten zen lanera joateko. General Oraá kalean bizi zen. Militarrak Juan García Jiménez gidaria zain zeukan gaizki aparkatuta zegoen kotxe batean. Une hartan José Ignacio de Juana Chaos ETAko kidea agertu eta militarrari hiru aldiz tiro egin zion. Bi balazo jaso zituen buruan eta berehala hil zen. Militarra tirokatu eta gero, gidaria ere erail zuen. Zazpi aldiz tiro egin zion. Tiroen eraginez, koronelaren emaztea leihora irten eta senarraren gorpua lurrean ikusi zuen. Anbulantzia bat eskatu zuen, baina biak hilda zeuden jadanik. De Juana Chaosek ihes egitea lortu zuen Madril taldeko beste bi ETAko kideen laguntzaz. Haietako bat Belén González Peñalva zen.
Auto batean joan ziren. Kotxea Goya kaleko El Corte Inglés batean utzi zuten. Goma-2 substantziaren 24 kilo zeukan bonba bat ezkutatuta zeukan. ETAk autoaren kokapena jakinarazi zion Poliziari. Madrilen ipini zuen lehen bonba-autoa izan zen.
Poliziak eraikina hustu eta autoa ateak irekita aurkitu zuen. Tedax taldeko Esteban del Amo eta Gerardo Puente lehergailu-teknikariak hurbildu ziren. Leherketak Esteban del Amo polizia hil zuen. Bere lankidea larriki zaurituta atera zen, baina korrika ihes egitea lortu zuen.
“Ez genuen leherketa iragarri. Ez genuen ezer entzuten. Nik ez nuen ezer entzun. Itsu geratu nintzen bat-bateko distira batekin. Eguzkia zuzen zuzen begiratzea bezala izan zen”, azaldu zuen Gerardo Puentek. Estebanen gorpua guztiz txikituta geratu zen. Hedatze-uhinak bete-betean jo zuen. Lankidea atzean zeukanez, hau bizirik atera ahal izan zen. “Argazki hau argitaratu behar duzue. Espainiaren alde eman du bere odola”, oihukatzen zuen agente batek atentatuaren lekuan.