Ángel Prado Mella

Deskribapena

1980ko urriaren 4ko arratsaldea zen, larunbata, ETAk Arabako Agurain herriaren erdi-erdian Ángel Prado Mella agentea, Avelino Palma Brioa eta José Luis Vázquez Plata kabo lehena hil zituenean. Gertaerak herriko festen hasiera izango zen txirrindulari lasterketa hasi baino minutu gutxi batzuk lehenago gertatu ziren.

Hilketarako laguntza handia eman zuen Ismael Arrieta Perez de Mendiolak, Aguraingo apaizak, Trafikoko Guardia Zibileko hiru motoristek urteroko txirrindulari lasterketaren edizioan izango zuten partaidetzari buruzko datu guztiak eman baitzizkion talde armatuari. Apaizak, urriaren 4a baino egun batzuk lehenago, lasterketari buruzko datuak eman zizkien taldekideei –guardia zibilen kokapena, ordutegiak eta ibilbidea–, eta egunean bertan, lasterketa hasi baino minutu gutxi batzuk lehenago, eskuarekin adierazi zien agenteak egongo ziren lekua. Horregatik 10 urte eta egun bateko kartzela zigorra ezarri zioten hilketa bakoitzagatik, baina Auzitegi Gorenak 18 urtera murriztu zuen zigorra guztira.

Atentatuan, hiru etakideak aurpegia agerian hurbildu eta hiru guardia zibilak hil zituzten. José Luis Vázquez kaboa ibilgailu baten azpian ezkutatzen saiatu zen, baina etakideek ikusi eta errematatu egin zuten. Tiroek Lauren Gorospe ere jo zuten, bala batek eskuineko eskua zeharkatu baitzion alderik alde.

Prentsa