ETAGallery
Deskribapena
Deskribapena
1982ko uztailaren 16ko 09:00ak baino lehentxeago, ETAk Alberto Lopez-Jauregizar Poncela hil zuen Getxoko (Bizkaia) Algorta auzoan. Alberto Tabacaleraren ahalordeduna zen Bilboko bulegoetan, eta Alianza Popularreko militantea. 42 urte zituen, ezkondua zen eta lau seme-alaba zituen. ETAk hil zuen egunean, Alberto eta familia oporretara joatekoak ziren; bidaiaren aurretik, Albertok errebisio bat egin nahi zion autoari. Autoan sartu, Correos eraikinetik hurbil zeukan aparkatuta, eta ETAko hiru terrorista etorri zitzaizkion autoaren alde bietatik; bertatik bertara egin zioten tiro, tokian bertan utziz hilik. Hilketatik hamabost egunera, Alberto Lopezen familiak Euskal Herritik alde egin eta Alacanten finkatu zen.
Alberto Lopezek 15 egun baino ez zeramatzan Alianza Popularreko militante erail zutenean. Egun batean Bilbon izandako atentatu baten lekuko izan zen, eta ETAren biktimen hiletetara joaten hasi zen, eta Espainiako bandera bat jartzen, xingola beltzarekin, Amesti kaleko bere etxean, ETAk norbait hiltzen zuen bakoitzean. Hori biziarekin ordaindu zuen.
Prentsa
