Gallery

Deskribapena

Jaioterria: Euskadi
Adina: 39
Seme-alabak: 0
Egoera zibila: Ezkonduta
Lanbidea: Ostalaritza eta elikadura arloetako enpresaria
Atentatuaren data: 25/05/1988
Atentatuaren lekua: Eibar
Errudunak: Jesús María Ciganda Sarratea y Juan Carlos Balerdi Iturralde
Arma: Pistola
Hiltzailea: ETA

Deskribapena

Sebastián Aizpiri Lejaristi enpresaria zen, eta ostalaritzaren eta elikaduraren sektorean aritzen zen. Biktimak harategi bat zeukan Elgoibarren. 1988ko maiatzaren 25 hartan, arratsaldeko zortziak inguruan itxi zuen, Eibarra joateko, Chalcha jatetxearen jabe baitzen han. Arrate hotelaren ondotik zihoanean bere negoziorantz, ETAren Eibar komandoko bi kidek bi tiro jo zizkioten buruan, atzetik, eta une hartan bertan hil zuten.

Sebastián ETAren inguruaren jazarpenaren biktima izana zen. Guardia Zibilak esana zion Santi Potros etakidearen paperetan agertu zela bere izena, zituen negozioei buruzko informazioarekin batera. Eibarko HBko zinegotzi batekin hitz egin zuen, eta hark baieztatu zion “beste aldetik agindua emana zutela zeuzkan jabetzak eta jarduerak ikertzeko”.

Sebastianek antzeman zuen jendeak agurra ukatzen ziola, eta ohiko zenbait bezerok utzi egin ziotela bere negozioan sartzeari, eta Eibarko eta Elgoibarko udalei eskatu zien egoera hura ikertzeko, zalantza oro uxatzearren. Udalek ekimen bana bozkatu zuten, zurrumurruen kontra agertu, Aizpiriren ondradutasuna adierazi, eta kalumniak amaitzea eskatzeko, baina Herri Batasunak abstentzioa eman zuen. Geroago, familiak kontatu zuen Aizpiri ETAren estortsioaren biktima izaten ari zela. Iraultza-zerga ordaintzeari uko egin ziolarik, legez kanpoko jarduerekin lotzen zuten asmakeriak etorri ziren lehenik, eta hilketa bera geroago.

Handik egun batzuetara, ETAk Sebastián Aizpiriren lagun Francisco Javier Zabaleta hil zuen Elgoibarren, droga trafikatzailea zelako akusazio faltsuak eginez kasu horretan ere.

Prentsa