Gallery

Deskribapena

Jaioterria: Euskadi
Adina: 43
Seme-alabak: 4
Egoera zibila: Ezkonduta
Lanbidea: BBVko langilea
Atentatuaren data: 05/02/1983
Atentatuaren lekua: Bilbo
Errudunak: Juan Carlos Echeandía Zorroaza
Arma: Bestelako lehergailuak
Hiltzailea: ETA

Deskribapena

Lehergailu batek eztanda egin zuen Banco de Vizcayaren egoitzan, Bilboko Kale Nagusia, 1ean, Plaza Biribilaren ondoan. Jose Marti komandoko bi etakide sartu ziren bankuko bulegoetan, beste terrorista bat kanpoan zutela zain. Maletatxo batean laga zuten bonba, Atzerriko Diruaren Departamentuaren ondoan. Enplegatuek maletatxoa ikusi zutenean, txantxetan hasi ziren bonba bat izan zitekeelakoan, baina ez zuten serio hartu.

Etakideek bonba-abisu batzuk eman zituzten, baina handik hiru minutu baino igaroak ez zirenean lehertu zen bonba-maleta. Talde terroristak Egin egunkariaren bidez zabaldutako ohar batean akats teknikotzat eta gertaera tamalgarritzat jo zuenaren ondorioz, bertan hil ziren Ramon Iturriondo García, erakundeko kutxazaina, eta Anibal Izquierdo Emperador, ordenantza. Beste hamar pertsona ere zauritu zituen, larri horietako batzuk, tartean Benicio Alonso Gómez enplegatua, bi egun geroago hil zena bera.

Prentsa