Gallery

Deskribapena

Jaioterria: Catalunya
Adina: 34
Seme-alabak: 0
Egoera zibila: Ezkongabea
Lanbidea: Langilea ardo-industrian eta boluntarioa GKE batzuetan
Atentatuaren data: 17/08/2017
Atentatuaren lekua: San Justo Desvern
Errudunak: Younes Abouyaaqoub
Arma: Arma blanca
Hiltzailea: DAESH

Deskribapena

Madrilgo M-11ko atentatua gertatu eta 13 urte igaro ondoren, jihadismoak berriro erasotu zuen Espainia. 2017ko abuztuaren 17an, arratsaldeko 17.00ak aldera, Younes Abouyaaqoub terroristak gidatzen zuen furgoneta bat Bartzelonako jendez gainezka zegoen Las Ramblas pasealekuan sartu eta pertsona ugari harrapatu zituen Buen Sucesotik Miró-raino. Guztira, 15 hildako –hain artean 3 eta 7 urteko bi haur- eta 131 zauritu egon ziren. Atentatua Daesh-ek hartu zuen bere gain Amaq albiste agentziaren bidez.

Pablo Pérez Vilafranca del Penedès herrian bizi zen eta ardo-industriako enpresa batean lan egiten zuen. Gainera, hainbat GKE-tan boluntarioa zen. Futbola asko gustatzen zitzaion. Abuztuaren 17an, Vilafrancara zihoan Ford Focus batean. Dáesh erakundeko terrorista bat hurbildu, sastatu eta autoa lapurtu zion. Kotxe horrekin, terroristek Poliziak hiri osoan ipinitako kontrolak saihestu nahi izan zituzten. Ihesaldian agente batzuk harrapatu zituzten.

Lagunen arabera, Pablo oso pertsona aktiboa zen. Elkartasuna erakusten zuen eta herriko elkarte askotan parte hartzen zuen, batez ere kirol-elkarteetan. Boluntario bezala beste herrialde batzuetara bidaiatu zuen, Haiti esate baterako. Bere izeba Kety Villán Núñezek esan zuenez, hasiera batean Poliziak terrorista bat zela uste zuen eta susmo hori helarazi zion familiari. “Ezin genuen sinetsi. Oso gaizki pasatu genuen. Heriotza batetik, zalantzak bestetik… Ezinezkoa zen. Pertsona solidarioa eta eskuzabala zen, baina zalantza geneukan…”.

Atentatua gertatu zenean, Pabloren familia Benicàssimen zegoen. Bartzelonara itzuli ziren gau horretan. Handik ordu batzuetara, Poliziak argitu zuen Pablo biktima bat izan zela. “Poztu ginen, baina geure buruarekin haserre geunden ere zalantza izateagatik. Ezin dugu barkatu esan zigutena”, adierazi zuen Ketyk.

Prentsa