Gallery

Deskribapena

Jaioterria: Madrid
Adina: 36
Seme-alabak: 0
Egoera zibila: Ezkongabea
Lanbidea: Serynco enpresako langilea
Atentatuaren data: 11/03/2004
Atentatuaren lekua: Madrid
Arma: Otros explosivos
Hiltzailea: Terrorismo Islamista

Deskribapena

Miguel de Lunak Topografía ikasi zuen. Zientziak asko gustatzen zitzaizkion. Bere anaiaren ustez, Jaime izenekoa, isila, lasaia eta zentzuzkoa zen. Animaliak izugarri gustatzen zitzaizkion. Gurasoen etxean bi katu zituen (haietako bat kalean aurkitu zuen) eta gainera gaixorik zegoen erbi-txakur bat anparatu zuen ere. Mendizalea zen eta bizikletaz ere ibili zalea zen. Ordularien bilduma egiten zuen.

2004ko martxoak 11 osteguna zen. Egun hartan, Madrilen, Al-Qaeda taldeko terroristek 13 lehergailu ipini zituzten Renfe konpainiaren Aldiriak zerbitzua eskaintzen zuten lau trenetan. 7.37tik 7.39ra bitartean, aukeratutako trenak Atocha, El Pozo del Tío Raimundo eta Santa Eugenia geltokietan eta Téllez kalean zeuden. Tarte horretan 13 lehergailuetatik 10-k eztanda egin zuten eta, guztira, 191 pertsona erail zituzten. Gutxi gora-behera beste 1.500 pertsona ere zaurituak suertatu ziren. Espainiako historiako atentaturik latzena izan zen. Egun batzuk geroago, 2004ko apirilak 3an, Poliziako GEO taldeko kideei Leganés udalerriko etxe batera sartzea agindu zieten atentatuaren arduradunak han ezkutatzen omen bait ziren. Terroristek bere buruaz beste egin zuten 20 kiloko lehergailuak eztandaraziz. Hedatze-uhinak GEO baten heriotza eragin zuen eta bera da M-11ko zerrenda luzea ixten duen 192. biktima.

Argazkiak

Audio

Prentsa