María Norma Menchaca Gonzalo

Deskribapena

1976ko uztailaren 9ko arratsaldean, Sardinaren Eguna zena Santurtzin (Bizkaia), talde handi batek amnistiaren aldeko manifestaldi bat antolatu zuen. Itsasoko Ama Birjinaren elizatik irten ziren. Bederatziak aldera, Guardia Zibilaren ‘jeep’ batzuk iritsi ziren, baita kalez jantzitako agenteak ere. Manifestaldia desegiteko eta atxiloketa batzuk egiteko agindua zuten. Arrantzaleen uniforme tradizionala zeramaten hiru agentek tiro egin zuten inguratuta sentitu zirenean. Balazoek María Norma Menchaca jo zuten. San Juan de Dios ospitalera eraman zuten, baina hilda iritsi zen. Beste bi pertsona zaurituta suertatu ziren. Bizilagunen arabera, hiltzaileak Kristo Erregearen gerrileroak ziren.

María Norma Menchaca santurtziarra zen eta hiru seme-alaba zituen. Neskalagunekin hurbildu zen Udalak eta ostalaritza sektoreak antolatutako ekitaldietan parte hartzera.

Prentsa