Gallery

Deskribapena

Jaioterria: Asturias
Adina: 22
Seme-alabak: 0
Egoera zibila: Ezkonduta
Lanbidea: Polizia Nazionaleko kabo lehena Bilboko NAN-aren bulegoan
Atentatuaren data: 03/11/1980
Atentatuaren lekua: Zarautz
Arma: Subfusila
Hiltzailea: ETA

Deskribapena

Julio César Castillejo Pérez Trafikoko Taldeko lau lagunekin zegoen Zarauzko Haizea tabernan, zerbitzutik kanpo eta kaleko arroparekin. Hiru terrorista lokalean sartu ziren, metrailetak eskuan, ahalik eta jende gehiena hiltzeko asmoarekin, eta beste bi kanpoaldean zeuden zain. Hiltzaileek armekin tiro egin eta bost agenteetatik lau eta tabernako beste bezero bat hil zituzten. Etakideek lurrean errematatu zituzten, erori ahala. Metrailatze bortitzean beste sei pertsona zauritu ziren. Tabernan jasotako bala-zorroen arabera, terroristek hirurogei bat aldiz egin zuten tiro.

 

Julio César Castillejoz gain, Arturo López Hernández eta Ángel Retamar kabo lehenak eta Modesto García guardia zibila hil ziren. Beste agente bat, Nicolas Martín, larri zauritu zuten, baina ez zen hil. Guardia Zibileko kideez gain, Migel Lasa ile-apaintzailea hil zuten, eta Zarauzko beste lau bizilagun zaurituta gertatu ziren.

 

Hurrengo egunean protesta eguna izan zen Zarautzen, eta tabernak eta dendak itxi zituzten. Udalak aho batez gaitzetsi zuen atentatua, zinegotzi guztiek babestuta, baita Herri Batasunakoek ere.

Prentsa