Gallery

Deskribapena

Jaioterria: Castilla y León
Adina: 53
Seme-alabak: 2
Egoera zibila: Ezkonduta
Lanbidea: Autobus begiralea
Atentatuaren data: 11/03/2004
Atentatuaren lekua: Madrid
Arma: Bestelako lehergailuak
Hiltzailea: Terrorismo Islamista

Deskribapena

Julia Moral Garcíak 53 urte zituen eta Burgosen jaio zen. Lau urte lehenago Madrilera iritsi zen senarra eta bi alabekin. Familia-giroa maite zuen eta behin-behineko lanpostu bat zeukan begirale bezala eskola autobus batean. Hori zela eta, martxoaren 11an Santa Eugeniako geltokian trena hartu zuen hiriburuaren erdialdera joateko. Atentatuaren osteko bi egunetan, senideek bizirik zegoela sinetsi zuten eta bila eta bila aritu ziren. Dena den, DNA azterketa batek emakumearen heriotza egiaztatu zuen.

2004ko martxoak 11 osteguna zen. Egun hartan, Madrilen, Al-Qaeda taldeko terroristek 13 lehergailu ipini zituzten Renfe konpainiaren Aldiriak zerbitzua eskaintzen zuten lau trenetan. 7.37tik 7.39ra bitartean, aukeratutako trenak Atocha, El Pozo del Tío Raimundo eta Santa Eugenia geltokietan eta Téllez kalean zeuden. Tarte horretan 13 lehergailuetatik 10-k eztanda egin zuten eta, guztira, 191 pertsona erail zituzten. Gutxi gora-behera beste 1.500 pertsona ere zaurituak suertatu ziren. Espainiako historiako atentaturik latzena izan zen. Egun batzuk geroago, 2004ko apirilak 3an, Poliziako GEO taldeko kideei Leganés udalerriko etxe batera sartzea agindu zieten atentatuaren arduradunak han ezkutatzen omen bait ziren. Terroristek bere buruaz beste egin zuten 20 kiloko lehergailuak eztandaraziz. Hedatze-uhinak GEO baten heriotza eragin zuen eta bera da M-11ko zerrenda luzea ixten duen 192. biktima.

Argazkiak

Audioa

Prentsa