Gallery

Deskribapena

Jaioterria: Extremadura
Adina: 38
Seme-alabak: 1
Egoera zibila: Ezkonduta
Lanbidea: Administraria Gizarte Segurantzaren Diruzaintza Orokorrean
Atentatuaren data: 11/03/2004
Atentatuaren lekua: Madrid
Arma: Bestelako lehergailuak
Hiltzailea: Terrorismo Islamista

Deskribapena

Juan Alberto Alonsok Gizarte Segurantzan lanpostua lortu zuen bost hilabete lehenago. Gainera, handik bi hilabetetara Sara izeneko neska bat adoptatu zuen bere emaztearekin. Egun hartan, gainera, psikologoarenera joan behar zuten bigarren ume bat adoptatzeko prozesua hasteko. Juan Alberto Alonso Atochan eztanda egin zuen trenean zihoan. Zaurien ondorioz, La Princesa ospitalera eraman zuten. Gurasoak Cácerestik joan ziren baina Madrilera ailegatu zirenean semea zendu zela adierazi zieten.

2004ko martxoak 11 osteguna zen. Egun hartan, Madrilen, Al-Qaeda taldeko terroristek 13 lehergailu ipini zituzten Renfe konpainiaren Aldiriak zerbitzua eskaintzen zuten lau trenetan. 7.37tik 7.39ra bitartean, aukeratutako trenak Atocha, El Pozo del Tío Raimundo eta Santa Eugenia geltokietan eta Téllez kalean zeuden. Tarte horretan 13 lehergailuetatik 10-k eztanda egin zuten eta, guztira, 191 pertsona erail zituzten. Gutxi gora-behera beste 1.500 pertsona ere zaurituak suertatu ziren. Espainiako historiako atentaturik latzena izan zen. Egun batzuk geroago, 2004ko apirilak 3an, Poliziako GEO taldeko kideei Leganés udalerriko etxe batera sartzea agindu zieten atentatuaren arduradunak han ezkutatzen omen bait ziren. Terroristek bere buruaz beste egin zuten 20 kiloko lehergailuak eztandaraziz. Hedatze-uhinak GEO baten heriotza eragin zuen eta bera da M-11ko zerrenda luzea ixten duen 192. biktima.

Argazkiak

Audio

Prentsa