Joseba Pagazaurtundúa Ruíz

Deskribapena

Goizeko 10ak baino lehentxeago, Joseba Pagazaurtundua Ruiz tirokatu egin zuten Andoaingo Daytona tabernan gosaltzen ari zenean. Donostiako Donostia Ospitalera eraman zuten, eta zazpi ordu geroago hil zen, arratsaldeko bostak inguruan. Hil zutenean mobilizazio bat ari zen prestatzen, beste lagun batzuekin batera, Andoainen ETAk jazartzen zituen pertsonei babesa ematearren.

Hil baino egun batzuk lehenago, biktimak idatzia zuen gero eta hurbilago ikusten zuela ETAk hilko zuen eguna. Joseba “Pagaza” PSEren militantea zen, eta UGTren afiliatua ere izana zen; gainera, ETAren terrorismoa amaitzea eskatzen zuen Aski da! hiritar ekimenaren ekintzaile konprometitua zen. Plataforma horretako kide izateagatik Sakharov saria jasoa zuen Europako Parlamentuan.

Biktimak ETAren atentatu ahalegin ugari jasan zituen 1994an, Andoaingo udaltzaina zenean. Horregatik, Ertzaintzaren zerbitzu-eginkizunetan Guardiara eraman zezaten lortua zuen. Alabaina, 1994an, Eusko Jaurlaritzak erabaki zuen zerbitzu-eginkizun horiek kentzea, ETAren menia bat zela eta, eta Andoainera itzultzera behartu zuten. Han Batasuna zen orduan gobernuan, EAJ, EA eta EBren laguntzarekin, eta Josebak, bere jarduerak espiatuko ote zituzten beldurrez, gaixotasunagatiko baja eskatu behar izan zuen. Udalak kale borrokarekiko zuen jarrera zela eta, Andoain, urte horietan zehar, terrorismoaren gune garrantzitsua izan zen.

Hil eta urtebetera, EAJk eta EAk uko egin zioten Andoaingo Domina Josebari emateari.

Prentsa