Gallery

Deskribapena

Jaioterria: Santa cruz de Tenerife
Adina: 32
Seme-alabak: 2
Egoera zibila: Ezkonduta
Lanbidea: Polizia Nazionala
Atentatuaren data: 18/11/1990
Atentatuaren lekua: Santurtzi
Arma: Lapa-bonba
Hiltzailea: ETA

Deskribapena

José Francisco Hernández Herrera 1981an sartu zen Polizia Nazionalera. Handik bederatzi urtetara, ETAk hil zuen. 32 urte zituen, ezkonduta zegoen eta bi seme-alaba zituen, 12 eta 8 urtekoak. Senideek atentatuaren berri izan zuten eguerdiko telebista albistegia ikusten. Bere arreba Ángeles sukaldean zegoen kazetariari entzun zionean. Bere anaiari buruz ari zen. “Ordu biak ziren. Albistegiaren lehenengo informazioa izan zen. Ez dut gogoratzen zer egin nuen. Ama korrika etorri zen. Zerbait gertatu zela entzun zuen, baina ez zekien zer zen. Aita tabernan zegoen. Alaba bidali nuen aitonaren bila joan zedin”, azaldu zuen 2011ko urtarrilaren 20an ‘La Opinión de Tenerife’ egunkarian.

Ehun pertsona baino gehiago hurbildu ziren Los Rodeos aireportura José Franciscoren gorpua ailegatu zenean. Kanariar Uharteetan jaiotako terrorismoaren bederatzigarren biktima izan zen. Tejinako hilerrian lurperatu zuten. José Franciscoren familiak babesa jaso zuela uste du, baina bakarrik jaioterrian. San Marcos kirol txapelketaren sari batek haren izena darama eta herriko kirol elkartean haren argazki bat ipini zuten. Era berean, Udalak herriko kale bati José Francisco Hernández Herreraren izena ipini zion.

José Francisco Hernández Herreraren hilketa zigorrik gabe geratu zen. Guztira, ETAk eragindako 300 bat atentatuen ikerketak ez dira amaitu.